Sorti en poche !

Enfin, sortie en format poche, cette biographie romancée de François Villon que nous offre Jean Teulé. Précipitez-vous, et en attendant, cette " Epître à mes amis " qui vous mettra l'eau aux yeux et à la bouche :

Aiez pictié, aiez pictié de moy,

A tout le moins, s'i vous plaist, mes amis !

En fosse giz, non pas soubz houz ne may,

En cest exil ouquel je suis transmis

Par Fortune, comme Dieu l'a permis.

Filles amans jeunes gens et nouveaulx

danceurs, saulteurs faisans les piez de veaux,

Vifz comme dars, aguz comme aiguillon,

Gousiers, tintans clers comma gastaveaux

Le lesserez la, le povre Villon ?

Chantres chantans a plaisance, sans loy,

Galans rians, plaisans en faiz et diz,

Coureux alans, francs de faulx or, d'aloy,

Gens d'esperit, ung petit estourdiz.

Faiseurs de laiz, de motés et rondeaux,

Quant mort sera, vous lui ferez chaudeaux !

Ou gist, il n'entre escler ne tourbillon

De murs espoix on lui a fait bandeau :

Le lesserez la, le povre Villon ?

Venez le voir en ce piteux arroy,

Nobles hommes, francs de quars et de dix,

Qui ne tenez d'empereur ne de roy,

Mais seulement de Dieu de paradiz !

Jeuner lui fault dimenches et merdiz,

Dont les dens a plus longues que ratteaux ;

Après pain sec, non pas asprés gateaux,

En ses boyaulx verse eaue a groz bouillon,

Bas en terre _ table n'a ne tresteaux _ ;

Le lesserez la, le povre Villon ?

Princes nommez, anciens, jouvenciaulx,

Impétrez moy graces et royaulx seaulx

Et me montez en quelque corbillon !

Ainsi le font l'un a l'autre pourceaulx,

Car ou l'un brait, ils fuyent a monceaux.

Le lesserez la, le povre Villon ?

Rendez-vous page 365 pour la traduction, mais déjà la musique des mots nous emporte au vent mauvais de la déchéance qui guette "le povre Villon".